Bybit-მა, ვაჭრობის მოცულობით ერთ-ერთმა უმსხვილესმა კრიპტოვალუტის ბირჟამ, გამოაცხადა, რომ 13 აგვისტოდან შეწყვეტს სერვისების მიწოდებას საფრანგეთში, ევროკავშირის მარეგულირებელ ჩარჩოში ცვლილებების გამო. Bybit-ის ადმინისტრაციამ შეატყობინა მომხმარებლებს საფრანგეთიდან, რომ 2 აგვისტოდან მათი ანგარიშები შემოიფარგლება “მხოლოდ დახურვის” რეჟიმში. ეს ნიშნავს, რომ ამიერიდან ისინი ვერ შეძლებენ დეპოზიტების შევსებას, ახალი პოზიციების გახსნას ან დამატებას, ბირჟაზე ვაჭრობის რაიმე სახის პროდუქციის შეძენას. 13 აგვისტოდან ყველა დარჩენილი დაუხურავი პოზიციები იძულებით ლიკვიდირებული იქნება და მხოლოდ გატანა იქნება შესაძლებელი. ბირჟამ მიიღო გადაწყვეტილება შეწყვიტოს ოპერირება საფრანგეთში, რადგან ევროპული მარეგულირებლები ემზადებიან ევროკავშირის კრიპტოვალუტის კანონმდებლობის (MiCA) ამოქმედებისთვის 30 დეკემბერს, რაც ამკაცრებს ფულის გათეთრებისა და ტერორიზმის დაფინანსების წინააღმდეგ ბრძოლის წესებს. ადრე, Bybit მხარს უჭერდა ევროპული რეგულატორების მიერ USDC-ის დამტკიცებას, როგორც პირველ “სტაბილკოინს”, რომელიც აკმაყოფილებს ევროკავშირში კრიპტოვალუტების რეგულირების შესახებ კანონის მოთხოვნებს.